Димовски: Јанева има проблем да проговори јавно за делот со уцена на политичари
Илија Димовски, пратеникот на ВМРО-ДПМНЕ, смета дека поранешната специјална обвинителка, Катица Јанева која е обвинетата во случајот „Рекет“, треба да проговори јавно во судскиот процес за целата афера.
-Јас сметам дека Јанева во овој момент, покрај проблемите кои ги има во судските процеси, има едно граѓанско право – да проговори јавно. Да каже кој би сценатор за злупотреба на институцијата СЈО. Да каже за делот со уцена на политичари, барање за услуги за политичари и политички партии- смета Димовски.
Пратеничката, Ивана Туфегџиќ пак истакна дека е разочарана од тоа што поранешната шефица на СЈО, Катица Јанева побарала апанажа.
Членовите на собраниската Комисија за прашања на изборите и именувањата на попладневното продолжение на седницата едногласно го одбија барањето за апанажа на поранешната специјална јавна обвинителка Катица Јанева, осомничена во случајот „Рекет”.