Кога се работи за перспективата секогаш се поставува прашњето: што ќе возиме и на што ќе се вози. Изгледа на Македонија и е судбина да биде депонија на „треторазредни“ автомобили. Најверојатно и дизелите ќе бидат на сметиште, но дали воопшто варијантата на хибридни автомобили, и електроенергијата како двигател на автомобилите ќе допре до нас и што треба да се направи, на оваа тема во „Утрински брифинг“ на „Слободна ТВ“ говори Даме Димитровски, професор на Машински факултет.

-Очекува дека во иднина ќе почнеме со биогорива, мешавина, па потоа на биометан и очекувам дека понатаму нема да сметаме на транспортот како загадувач, туку како прочистувач на животната средина – ќе зема валкан воздух, а низ моторите ќе прави некаков чист воздух- изјави Даме Димитровски, професор на Машински факултет.

Секој обновлив извор на енергија, вели Димитровски, има своја намена.

-Многу тешко во транспортот ќе воведеме ветерна енергија, или соларни возила. Ќе треба некоја варијанта од солар да направиме струја, па струјата да ја користиме во возилата, а биогоривата директно ќе ги користиме во моторите со внатрешно согорување. Водородот не е нова технологија во производството на енергија. Идејата е да се соговри водород во некоја постојна постојка и такви мотори се појавуваа на саеми. Втората технологија е во горивни келии да работиме со водород, да се раслојува на водород и кислород и да го враќаме назад и притоа да ја искористуваме таа енергија- вели во „Утрински брифинг“ на „Слободна ТВ“ професорот Даме Димитровски.