Работнички ги совладаа „лавовите“ од Ѓорче Петров со 2:0 за три важни бода во трката за избегнување од опасната зона, но и можеби одржување на шансите за едно од местата кои водат во Европа.

– Ова беше клучна победа на „романтичарите“ против Македонија ЃП и од ова коло ние профитиравме најмногу. Имаме уште два тешки натпревари и ќе дадеме сè од себе да победиме и се надеваме дека тоа четврто место ќе води во Европа. Целта на клубот е излез на меѓународната сцена, сè друго ќе биде неуспех – ни изјави Димитровски.

На табелата тимот од Работнички е шестопласиран со 43 бодови, само два бода повеќе од Силекс на осмата позиција која води во баражот за опстанок, а само еден помалку од четврторангираниот Шкупи.

Во претпоследното 35. коло играчите на тренерот Баже Лазаревски ќе го имаат во Струмица против Беласица на 19 мај, а ќе ја завршат сезоната на домашен терен со Шкупи.