Димитров се сретна со новоименуваниот норвешки амбасадор Јелстад

На средбата, како што соопшти МНР, било изразено заемно задоволство од досегашниот развој на пријателските односи и соработка меѓу двете земји.

Министерот за надворешни работи Никола Димитров денеска ги прими копиите од акредитивните писма на новоименуваниот амбасадор на Норвешка во Република Северна Македонија, со седиште во Белград, Јорн Јелстад.

На средбата, како што соопшти МНР, било изразено заемно задоволство од досегашниот развој на пријателските односи и соработка меѓу двете земји, при што министерот Димитров се заблагодарил за континуираната поддршката од Норвешка за евроатлантската иднина на Северна Македонија и реализацијата на нашата значајна стратешка цел – извесното членство во НАТО.

Димитров истакнал и дека од македонска страна високо се цени присуството и ангажманот на Норвешка не само кај нас, туку и во целиот регион, во контекст на неговото приближување кон европските стандарди и вредности.

Амбасадорот Јелстад ја реафирмирал поддршката на Норвешка за реализација на нашите стратешки приоритети, преку постигнување на неопходните стандарди во насока на интеграција на Северна Македонија во НАТО и во Европската Унија, подвлекувајќи дека како и досега, ќе продолжат со билатералната поддршка на бројни проекти, коишто се тесно поврзани со ЕУ пристапниот процес.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот