Димитров се прости од мајка му: Се гордеам што сум твој син

Екс министерот за надворешни работи со емотивна порака на Фејсбук се прости од неговата мајка Ратка Димитрова.

Почина Ратка Димитрова, пратеничка од првиот парламентарен состав

„Беше полна со љубов, грижа и чиста енергија, Ратка, моторот на Димитрови. Ведрина, радост и бодрење, поткрепа даваше широкоградо, на толку многу луѓе.

Македонските маки ги доживуваше како да се нејзини лични. Го береше гајлето на нацијата. Блескаше што и да фатеше, од фамилијата, па животниот повик – музиката, до општото, каде имаше само идеали и една чудесна и чиста наивност, толку многу потребна во политиката денес. Синоќа, во последниот повик до татко ми, на крајот го прашала каков бил денот во Собрание.

Со чувство на бескрајна благодарност, исконска љубов и огромна тага, да ти биде светол патот мајко моја прекрасна! Се гордеам што сум твој син“, напиша Никола Димитров на својот Фејсбук профил.

Беше полна со љубов, грижа и чиста енергија, Ратка, моторот на Димитрови. Ведрина, радост и бодрење, поткрепа даваше…

Publiée par Nikola Dimitrov sur Dimanche 30 août 2020

Видео на денот