Димитров разочаран: Вистинскиот проблем е одбивањето да се занимаваме со суштински теми

Фото: Слободен печат/Драган Митрески

Без резултат заврши 14. состанок на Заедничката мултидисциплинарна експертска комисија за историски и образовни прашања меѓу Бугарија и Република Северна Македонија.

Како што информира дописникот на МИА од Софија, по завршувањето на дводневниот состанок на видеоконференција, копретседавачот на комисијата од бугарска страна проф. Ангел Димитров посочи дека вистинскиот проблем е одбивањето да се занимаваме со конкретни теми, проблеми, а работите да се сведат на специфична условно – теоретска рамка.

Според проф. Димитров, „нашиот обид да ги натераме барем да вметнат нешто специфично за лекцијата за цар Самоил во нивната теоретска рамка, исто така, не најде согласност и разбирање. Ова е реалната состојба”.

Како што пренесува БНР, следниот состанок на Комисијата се очекува да биде во средината на октомври. Проф. Ангел Димитров изрази надеж дека летните месеци ќе дадат можност да се преиспита овој став за работа и да се направи некој чекор, додавајќи дека се надева дека тоа ќе биде чекор напред.

Бугарската страна на Мешовитата комисија ги одби нашите предлози за историското образование поддржани од СЕ и УНЕСКО

Видео на денот