Димитров пред амбасадорите на САД во регионот на ЈИЕ: Продуцираме идинина, за доброто на нашата земја и за регионот
Завршивме голема работа, направивме големи работи кои не се прават често во регионот, а тоа се компромиси. Продуцираме идинина, за доброто на нашата земја, но и за регионот, порача вечерва министерот за надворешни работи Никола Димитров пред амбасадорите на САД во регионот на Југоисточна Европа за кои приреди работен прием, кои пак, под раководство на заменик-помошникот државен секретар и специјален претставник за Западен Балкан, Метју Палмер, одржуваат советување во Скопје.
Како што соопшти Министерството за надворешни работи, Димитров истакнал дека средбата е дополнителна потврда и за цврстото и продлабочено партнерство меѓу земјава и САД, додавајќи дека регионалното советување на амбасадорите на САД во Скопје претставува можност и за продлабочена размена на мислења со земјата домаќин за значајни прашања од заеднички интерес.