Димитров: Од Грција очекуваме поддршка и помош на европскиот пат

Одлуката за отворање на пристапните преговори за членство во ЕУ е клучна пресвртница и за Северна Македонија и за регионот во 2020 година, а воедно и потврда за посветеноста на Европската Унија кон нејзините геостратешки приоритети.

Ова е главната порака што вицепремиерот за европски прашања Никола Димитров денеска ја испрати на средбите со грчкиот министер за надворешни работи Никос Дендиас и со алтернативниот министер за надворешни работи задолжен за европски прашања, Милтиадис Варвициотис, на кои Димитров им пренесе дека Северна Македонија од Грција очекува силна поддршка во интегративниот процес.

Како што информираат од Секретаријатот за европски прашања (СЕП), на средбата со Дендиас во фокусот на разговорот беше ваквата поддршка и помош од соседна Грција како суштински дел во новото поглавје на односите меѓу двете соседни земји, но и голем чекор кон заедничката визија за иднината.

Димитров, како што се наведува, информираше за очекувањата во однос на преговарачката рамка да биде усвоена до крајот на оваа година, за време на германското претседавање со Советот на ЕУ.
На средбата со алтернативниот министер Варвициотис беа разгледани регионалната и билатералната соработка помеѓу двете земји, со посебен акцент на активностите кои треба да се преземат во наредниот период за интензивирање и продлабочување на Акцискиот план за соработка и имплементацијата на преземените обврски од Договорот за стратешко партнерство и имплементација на Меморандумот за соработка потпишан помеѓу Секретаријатот за европски прашања на Северна Македонија и МНР на Грција. Се овозможува грчката страна да понуди конкретна техничка помош на македонските институции за побрзо усогласување на националното законодавство во конкретни поглавја од европското acquis.

Прочитајте и...  Ставрески: Јас преговарав со кинеската банка за кредитот за автопатиштата

– И двајцата соговорници посочија дека понатамошното спроведување на Преспанскиот договор ќе придонесе за продлабочување на билатералните односи, ќе им овозможи на двете земји да го искористат целиот потенцијал за политичка и економска соработка, но ќе овозможи и подобрување на соработка и координација во рамките на регионалните иницијативи. Беше договорена и посета на министерот Варвициотис на Северна Македонија во блиска иднина, се вели во соопштението.
Димитров по средбата изјави дека потполно се согласува со министерот Варвициотис.

– Потполно се согласувам дека и двајцата сме посветени заеднички да работиме за да го олесниме процесот на проширување и да и помогнеме на Северна Македонија да го изоди патот и да ги заврши овие пристапни преговори кои започнуваат со меѓувладината конференција, рече Димитров.

Прочитајте и...  Специјално Обвинителство на Косово: Жена обвинета за тероризам

Сметам, како што рече, дека делиме заедничка визија за нашиот регион кој е европски, без отворени прашања, со соработка, разбирање и блиско пријателство. Ова е визија која ни дава енергија да одиме напред.

-Се согласуваме дека е многу важно да се продолжи со целосно спроведување на Договорот од Преспа и со оглед на нашите сегашни портфолија, ќе работиме заедно на исто така инструментализирање на Меморандум за разбирање кој е потпишан во минатото. Тоа има врска со забрзување, олеснување, поддршка во процесот на пристапување кон Европа. Но, бидејќи овој процес е критичен за нас, тоа значи дека треба да ја донесеме Европа дома во смисла на европското законодавство, но исто така и во одност на стандардите, спроведувањето, бидејќи ова е долг, но веројатно и единствениот начин како да им овозможиме на нашите млади да имаат европски начин на живот и да останат дома, а не да одат во некоја странска земја членка. Изгубивме време, изгубивме генерации, но направивме огромен чекор напред и сега е време да го пополниме ова ново поглавје на блискост и пријателство со добри работи за двете земји. И сметам дека ова е веројатно клучната порака за првата посета на нашата нова влада. Мислам дека во однос на физичкото присуство, ние бевме најголемата делегација на конференцијата на „Економист”. Се сретнавме со претседателот, се сретнавме со премиерот, со многу деловни луѓе од Грција и министерства. Има ново поглавје, да ја искористиме можноста, порача Димитров.

Прочитајте и...  ЕБОР прогнозира пад на македонскиот БДП од 5 проценти годинава, раст од 3 проценти догодина

Вицепремиерот Димитров овие средби ги оствари во рамките на работната посета на Атина како дел од првата владина посета во странство предводена од премиерот Зоран Заев.

 

Прочитај повеќе

Полскиот министер за здравство со предупредување до нацијата: Можна е ескалација на пандемијата

Слободен печат

Рот со порака до Димитров: Ги исполнивте условите, преговорите треба да почнат што побргу

Слободен печат

Црна Гора: Почна новата учебна година под посебни епидемиолошки мерки

Слободен печат

Роденденско изненадување во Берлин: Михаел Рот го пречека Димитров со торта и свеќичка (ВИДЕО)

Слободен печат

Решение на Општина Центар: Рок од три дена за отстранување на челичната конструкција пред гостилницата „Аманет”

Слободен печат

Нема закон за вонредна состојба, затоа има разногласие околу уредбите

Весна Тодоровска

Остави Коментар

Прочитај повеќе

ВМРО-ДПМНЕ на мисла да иницира постапка за импичмент на претседателот Пендаровски

Слободен печат

Песков во име на Путин: Тврдењата на Навални се навредливи и неприфатливи

Слободен печат

Иран на секои 23 секунди пријавува нов случај на коронавирус

Слободен печат

И стар автомобил не може да се купи без кредит

Весна Дамчевска

Меркел: Дипломатијата е решение за проблемите на ЕУ со Турција

Слободен печат

Мишел: Потребна е поголема безбедност и предвидливост за ситуацијата во источен Медитеран

Слободен печат