Димитријевиќ запиша 10 асистенции во триумфот на Уникс Казан во ВТБ лигата
Денеска во својот 15 натпревар во руската ВТБ лига сезонава екипата на Уникс Казан славеше против Енисеј со 79:89.
Во победата македонскиот репрезентативец Ненад Димитријевиќ за нешто повеќе од 26 минути поминати на паркетот забележа шест поени, а запиша и 10 асистенции, колку што иимаше и Џејмс Томпсон на спротивната страна.
За Уникс Казан најефикасен беше Дерил Мејкон со 27 поени, а за Енисеј доминираше Анџело Варнер со 17 коша.
Моментно на табелата Уникс Казан е на второто место (13-2), зад водечката ЦСКА Москва (14-0) на нашиот тренер Емил Рајковиќ.
Својот нов меч во ова натпреварување ЦСКА Москва ќе го има за два дена против Минск, а на 11 декември Уникс Казан е домаќин на Зенит Петербург.