Димитријевиќ заедно со Црвена звезда и Партизан во Евролигата!?

Ненад Димитријевиќ се наоѓа во поширокиот список на селекторот Александар Јончевски/Фото: kfsm.mk

Иако првиот човек на Евролигата, Жорди Бертомеу неодамна изјави дека два клуба од АБА лигата тешко ќе го играат најелитното кошаркарско натпреварување, во вторникот се појавија нови информации кои велат дека можно е и Црвена звезда и Партизан да играат во елитата.

Ова го соопшти Арис Баркас, уредникот на порталот „Јурохупс“, ден пред состанокот на акционерите во Евролигата закажан за в среда

А исто така меѓу двата српски гиганти е и шпанската Валенсија на македонскиот репрезентативец Ненад Димитријевиќ која аплицираше за настап во Евролигата.

– Со Црвена звезда и Партизан во финалето на АБА лигата, речиси е сигурно дека последните три места во Евролигата ќе им припаднат на српските клубови и на Валенсија – напиша Баркас, кој е највлијателниот новинар во играта под обрачите.

За потсетување, финалната серија во АБА лигата ќе започне в петок и шампионот во регионалното натпреварување ќе гарантира настап во Евролигата, додека шансата за уште еден српски клуб дојде по информацијата дека Бурса ќе се откаже од поканата поради неможноста за буџет од седум милиони евра.

Доколку се потврди дека Црвена звезда, Партизан и Валенсија ќе бидат дел од Евролигата следната сезона, ќе им се придружат на Реал Мадрид, Барселона, Басконија, Макаби, Олимпијакос, Панатинаикос, Фенербахче, Анадолу Ефес, Олимпија Милано, Жалгирис, Баерн, Алба, Асвел, Виртус и Монако.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот