Димитријевиќ имаше солиден настап за Валенсија во шпанската „Ендеса“

димитријевиќ
Ненад Димитријевиќ се сели во рускиот Уникс Казан/Фото: instagram.com/nenodimitrijevic

Во првото коло од најсилната шпанска „Ендеса“ лига денеска Валенсија на домашен терен со резултат 67:72 загуби од Басконија.

Македонскиот интернационалец Ненад Димитријевиќ го имаше првиот официјален настап за Валенсија каде што летово се пресели од Хувентуд Бадалона.

Нашиот плејмејкер имаше солиден настап од девет поени за скоро 21 минута помината на паркетот, додаде три скока и шест асистенции.

Од неговите тимски колеги најефикасни беа Дубљевиќ со 14 поени, а по 12 имаа Пуерто и Тобеј. За Басконија доминираше Гиедраитис со 23 коша.

Во другите три меча од саботната програма Бреоган беше убедлив над Тенерифе со 92:73, Хувентуд Бадалона со 85:79 славеше против Билбао, а после едно продолжение Реал Бетис со 102:98 беше подобар од МораБанк Андора.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот