Димитријевиќ е херој на Валенсија, ги постигна поените за победа на пет секунди до крајот на мечот

Ненад Димитријевиќ ги постигна поените за победа за Валенсија/Фото: facebook.com/valenciabasket

Екипата на Валенсија со 76:75 славеше како гостин против МораБанк Андора во седмото коло од шпанската АЦБ лига, а јунак на натпреварот беше Ненад Димитријевиќ.

Македонецот го имаше клучниот потег на натпреварот, при резултат 75:74 за домашниот тим, Димитријевиќ ги постигна поените за победа на својот тим на пет секунди до крајот.

Димитријевиќ натпреварот го заврши со 14 поени, шест скокови и две асистенции за 27 минути колку што помина на теренот.

По седум кола, Валенсија има скор од четири победи и три порази со кои се наоѓа на седмото место на табелата.

Видео на денот