Димитријевиќ се повлече од НБА драфтот 2019 – Слободен печат
КошаркаСпорт

Димитријевиќ се повлече од НБА драфтот 2019

Ненад Димитријевиќ беше меѓу 58 странски играчи како потенцијални кандидати, а 10 јуни беше рокот до кога можеа да се откажат од НБА драфтот 2019.

Нашата кошаркарска надеж Димитријевиќ одлучи да се повлече од НБА драфтот, па ќе почекаме повторно некој Македонец да се најде во најсилната кошаркарска лига на светот.

Нашиот плејмејкер моментно ги брани боите на шпанскиот прволигаш Хувентуд Бадалона.

Принтскрин/pr.nba.com

Вкупно 47 интернационални кандидати се повлекоа од драфтот кој според најавите ќе се организира на 20 јуни во Бруклин, САД.

Единствен Македонец кој досега играл во НБА лигата беше Перо Антиќ бранејќи ги боите на Атланта Хокс. Во НБА и тоа за екипата на Кливленд кавалирс, настапува и Чеди Осман, турскиот репрезентативец кој е роден во Македонија.

Сезонава 2018/19 во најсилната шпанска кошаркарска лига Димитријевиќ во 34 натпревари имаше просек од 5.7 поени, 1.5 скок и 2.1 асистенции по меч.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close