Во прав момент и за селекторот на македонската А репрезентација, Благоја Милевски, голманот Столе Димитриевски веќе блеска на почетокот од новата сезона во најсилната шпанска лига.

Денеска Милевски го објави списокот за септемвриските квалификациски натпревари за СП 2022, а во истиот е и Димитриевски кој секако очекуваме да биде прва опција и за дуелите со Ерменија, Исланд и Романија.

На својот официјален Твитер профил, шпанската „Ла Лига“ објави дека македонскиот чувар на мрежата има најмногу одбрани.

Неговиот клуб Рајо Ваљекано не стартуваше најдобро во шампионатот со два порази, на гости кај Реал Сосиедад (1:0) и Севиља (3:0).

Севкупно досега има 12 одбрани од 161 минута на терените, три повеќе од Матијас Дитуро (Селта), по осум Ескандел (Кадиз) и Херемиас Ледесма (Кадиз), по шест имаат Нето (Барселона) и Кико Касиља (Елче).

🧤 2 games.
🚫 12 saves. @Dimitrievski1 is the outright shot-stopper in #LaLigaSantander after Matchday 2! ⚡️ pic.twitter.com/eEjWB0Q258

— LaLiga English (@LaLigaEN) August 24, 2021