Димитриевски: Не ја победивме Барселона, но многу сме среќни со бодот
Голманот на македонската репрезентација Столе Димитиевски имаше уште една одлична партија против Барселонасо која ги излуди ѕвездите на каталонскиот тим.
Во ремито на Барселона и Рајо Ваљекано (0:0) што се играше на „Камп Ноу“ Димитриевски беше прогласен за играч на натпреварот и притоа успеа на трет натпревар по ред да ја сочува сопствената мрежа во дуелите со каталонскиот тим.
– Не победивме, но многу сме среќни. Минатата сезона ги победивме и сакавме да го направиме истото повторно. Имавме план, не можевме да победиме, но среќни сме со бодот и чистата мрежа. Секогаш се трудам да дадам сè од себе. Работам многу за да му помогнам на тимот и среќен сум поради тоа – вели Димитриевски.
Димитриевски по втор успева да ја сочува мрежата недопрена и тоа на „Камп Ноу“
– Тука е многу тешко да се зачува чиста мрежа, но ние направивме одлична работа во одбраната. Успеавме да ја оставиме Барсеона 180 минути на нула на „Камп Ноу“ и тоа е неверојатно.