Димитриевски има нова понуда од шпанската „Ла Лига“
Македонскиот репрезентативен голман кој денеска се најде на списокот играчи за претстојните први натпревари од Лигата на нации повторно е на „радарот“ на клубовите кои настапуваат во најсилната шпанска лига.
Столе Димитриевски моментно ги брани боите на второлигашот Рајо Ваљекано, но можно е повторно да настапува во најквалитетната „Ла Лига“.
Dimitrievski fichaje casi cerrado Valencia mercado verano – https://t.co/ISYqA3VyOi pic.twitter.com/4b1IEyrdzx
— Futbolistos (@FutbolistosEs) August 28, 2020
Пред еден месец нашиот чувар на мрежата доби понуди од три клуба, Хетафе, Гранада и Еибар. Од сите екипи најголем интерес покажува составот на Гранада (член на „Ла Лига“) која претходно веќе соработуваше со Димитриевски.
Покрај нив, уште еден тим кој лани во најсилното шпанско првенство, Валенсија ја следи ситуацијата со Македонецот.
Составот од „Местаља“ сигурно ќе смета на услугите на Доменек за следната сезона, а Силесен кој веќе долг период бара нова средина, можно е да се пресели во Астон Вила, иако сеуште нема најава за трансфер. Доколку тоа се случи тренерот Хави Гарсија можеби ќе се обиде да го обезбеди потписот на Димитриевски.