ДИК продолжува да едуцира обучувачи за спроведување на изборниот процес
ДИК се подготвува за избори. Во моментов тимови на Комисијата вршат обуки за обучувачи кои ќе треба да се справат со изборната проблематика, сѐ со цел да се овозможат фер и демократски избори. Преку ваквата активност, изборните органи ќе добијат специјализирана обука за да можат на учесниците во изборниот процес да им го доловат начинот кој ќе овозможи регуларни избори.
„Ќе бидат пуштени на терен за да ја спроведат едукацијата на изборните органи, конкретно на Избирачките одбори. Тимот на обучувачи се зајакнува со нови 33 членови и вкупно брои околу 80. Од февруари групата ќе стартува со обуки на изборните органи на терен и ќе трае до почетокот на април. Се надеваме дека секој член на ИО ќе биде присутен и ќе ја следи специјлизираната обука за изборната материја од сертифицирани обучувачи на ДИК“, вели портпаролот на ДИК, Адмир Шабани.
Ваквите активности ДИК за првпат ги започна минатата година. Поради покажанот успех на теренот, обуки се организираат и оваа година. ОБСЕ/ОДИХР ваквата успешна активност на ДИК ја проследи и во извештајот за оценка на изборите.