ДИК: Лицата во самоизолација или карантин за гласање да се пријават електронски, ќе се гласа и со истечени патни исправи

Фото: МИА

ДИК утре ќе организира симулација на безбедно гласање  на едно избирачко место на кое што ќе бидат поканети сите медиуми. На денешната седница на ДИК беше најавено, исто така дека  граѓаните ќе можат да гласаат на изборите на 15 јули со истечен пасош имајќи предвид дека тие ќе имаат важност до 30 јули.

Членот на ДИК, Борис Кондарко, исто така информираше дека  на гласање граѓаните нема да смеат да одат со маски на кои што ќе има амблеми на политички партии, бидејќи тоа ќе се третира како агитирање на избирачкото место што е забрането со закон.

Елизабета Постолоска член на ВМРО-ДПМНЕ и Дитмире Шеху потпретседателка на ДИК и член на Комисијата предложена од ДУИ, побараа дополнување на дневниот ред,  односно менување на упатството на ДИК за гласање на лицата со Ковид-19 и во самоизолација.

Постолсока побара нова точка на дневен ред односно менување на упатството  за гласање за овие лица, за да се овозможи за гласање да се пријават лица со позитивен тест со Ковид-19 кои не добиле решение од Државниот здравствен и санитарен инспекторат.

Како доказ дека се позитивни на Ковид 19 овие лица, како што предложи таа, да можат до Комисијата, односно до ОИК  да го достават резултатот од тестот.

Ова не беше прифатено од страна на членовите на ДИК, предложен од СДСМ Кондарко и Јанаќе  Витанов  кои сметаат дека на ден пред завршување на рокот на пријавување на овие лица не може да се менува упатство за гласање на лицата со Ковид-19 и во самоизолација.

Предлогот за менување на ова упатство односно додавање на рокот за пријавување на гласање на лицата со Ковид 19 и во самоизолација  или во карантин завршува утре на полноќ. Освен со полномошник. Тие ќе можат да се пријават за гласање и преку апликацијата за пријавување за гласање на овие лица поставена на веб страната на ДИК https://izolacija.sec.mk/.

ДИК на денешната седница вршеше избор на нови членови  на местата  на оние лица кои барале изземање од ОИК или од избирачките одбори.

До ДИК има пристигнато голем број барања за изземање од здравствените работници кои ќе бидат ангажирани на 13 јули за гласањето на лицата со Ковид и во самоизолација. Во овие посебни избирачки одбори се избрани 300 здравствени работници. Имало 80 оправдани барања за изземање и 20 неоправдани.

Членот на ДИК, Елизабета Постолоска,  како што рече, ги замолува здравствените работници на разбирање, додавајќи дека сите сме свесни колку се тие на удар и ангажирани последниве месеци поради пандемијата со Ковид-19.

Ако продолжиме со ваков интензитет на изземање ние нема да можеме да формираме избирачки одбори, рече Постолоска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот