Ракометарите на Вардар со победата над Војводина пред два дена ја отворија годината, а веќе во февруари ги очекува пеколен ритам. Вардарци наредниот месец треба да одиграат дури 11 натпревари, а првиот ќе го играат веќе во понеделник, на 1. февруари (20.15 ч.) против Нексе во СРЦ „Јане Сандански“ во рамки на СЕХА лигата.

– Очекувам тежок натпревар против Нексе, затоа што последен пат не одигравме добро и на начин на кој посакуваме. Сега сакаме да покажеме друго издание од почетокот на сезоната. Нексе има нов тренер, ќе има промени на игра. Ние сме подготвени на старата тактика, но сигурно дека ќе има нешто ново од стилот на Тамше. Не очекува квалитетен натпревар, но наша работа е да го наметнеме нашиот стил на игра и од меч во меч да сме се подобри. Среќни сме што сме на терен, за нас секој меч е големо задоволство затоа што за нас како спортисти тоа е многу важно. Со нетрпение го чекаме дуелот со Нексе – вели одличното крило на Вардар, Тимур Дибиров.