Миленикот на „Комитите“, и еден од најзаслужните за двете европски титули на Вардар, Тимур Дибиров, останува во „црвено-црното“ семејство и во иднина. Дибиров потпиша нов едногодишен договор.

Дибиров во Вардар пристигна 2013 година од Чеховски Медведи кога клубот го презеде Сергеј Самсоненко и во овие осум години стана рекордер по бројот на настапи за Вардар во Лигата на шампионите, а воедно е и најдобар стрелец на „црвено-црните“ во елитното натпреварување.

Со потписот со одличното крило, Вардар продолжува да го составува тимот во кој главна цел ќе биде што подобар пласман во ЛШ, и од идната сезона нови членови на „црвено-црниот“ тим ќе бидат и Едуардо Гурбиндо, Дарко Ѓукиќ, голманот Мартин Томовски, Анте Кудуз и Јан Чувара. Следната сезона ќе има промена и на тренерската клупа бидејќи Стевче Алушовски најави дека нема да го продолжи договорот.