Дибиров не мрда од Скопје, иднината за Вардар е светла
Тимур Дибиров најави дека и во следната сезона ќе биде дел од „црвено-црните“ во атакот да се дојде и до третата европска титула. Дибиров е првиот ракометар во Вардар, кој иако има исписница во раката, најави останување во Вардар на кого денеска, Владата и Град Скопје, заедно со АМС најавија дека ќе го наградат клубот со вкупно 700.000 евра за освоената титула.
– И наредната година ќе бидам дел од Вардар. Клубот ќе се спаси од распад, а ситуацијата, сега по освоената титула е многу подобра – им изјави Дибиров на руските медиуми.
Дека ситуацијата во Вардар е се подобра и потврди и словенечкиот репрезентативец Сташ Скубе кој откри дека сопственикот на клубот, Сергеј Самсоненко им ги исплатил сите долгови на ракометарите уште пред да започне фајнал фор турнирот во Келн.
– Сопственикот на Вардар, Сергеј Самсоненко ни ги исплати најголем дел од долговите уште пред турнирот во Келн. Тој исто така ни вети е богата премија – им откри Скубе на медиумите во Словенија.
По изјавата на Скубе дека голем дел од долговите се подмирени, извесно е дека Вардар и во следната сезона ќе биде еден од фаворитите за освојување на титулата.