ДИБИРОВ: Ако после оваа титула никој не ни помогне…!
Дибиров е свесен дека ова е ново историско испишување на клубот, но од друга страна смета дека „наградата“ треба да дојде.
Вардарци имаа исклучително тешка сезона, откако ракометарите немаат земено плата со месеци, но и покрај тоа „црвено-црните” се искачија на европскиот ракометен трон.
Според него оваа титула е поголема од првата, која ја освоија во 2017 година, по се што поминал тимот.
➡️ @HCVardar played a spectacular final to secure their second #veluxehfcl title ? Relive the magic we witnessed yet again at the VELUX #ehffinal4 in Cologne? #hellocologne @mkbveszpremkc https://t.co/CDdEyOgvSf
— EHF Champions League (@ehfcl) June 2, 2019
– Одигравме одличен натпревар и заслужено дојдовме на врвот. Ако после оваа титула никој не ни помогне да ја средиме ситуацијата, тогаш сите да ги соблечеме патиките и да ги завршиме кариерите. Оваа титула е поголема од првата, зашто знаеме низ што сѐ минавме – вели Дибиров.
Руското лево крило во финалето против Веспрем имаше учинок од три голови.
На својот Инстаграм профил имаше време и за шега, во 2017 година Вардар ја освои првата титула во ЛШ, а потоа следуваше пауза од една година, и му се извинува на трофејот што чекаше 365 дена да се врати во рацете на македонскиот шампион.
