До пред една година италијанскиот шампион беше подготвен да ги послуша сите понуди за Аргентинецот, но сезонава ситуацијата драстично се промени.

Дибала заедно со Кристијано Роналдо се убедливо двајцата најдобри фудбалери на „старата дама“ и управата му подготвува нов договор.

Како што пренесува Тутоспорт, откако Дибала по втор пат ќе се опорави од коронавирусот, го чека нов и тоа каков договор.

Според Тутоспорт, Јувентус уште сега му нуди „доживотен“ договор, односно договор до крајот на кариерата.

Пауло Дибала во Јувентус пристигна од Палермо за 40 милиони евра во 2015 година и со одличните игри стана миленик на навивачите со одиграни преку 200 натпревари и постогнати речиси 100 гола.

Дибала падна во немилост кај тренерот Масимилијано Алегри минатата сезона, често ја грееше клупата и се шпекулираше со негово заминување за што беше согласна и управата.

Но, со доаѓањето на Маурицио Сари на местото на Алегри, работите се свртеа во негова корист и тој стана незаменлив дел од првиот тим на „старата дама“ сезонава.
Оваа сезона досега постигна 13 гола, три повеќе од минатата сезона.