Ди Марцио: „Гранде“ Пандев пред трансфер во Интер!? (ФОТО)
Во својата професионална кариера нашиот играч ги имаше најголемите успеси токму со Интер со по една титула во Серија А и Лигата на шампионите.
Како што пренесува познатиот италијански новинар Џанлука Ди Марцио чии информации кога станува збор за трансфери се скоро точни, македонскиот репрезентативен напаѓач би можел да се врати на „Џузепе Меаца“.
Помалку изненадувачка вест со оглед на тоа што 36-годишниот Горан Пандев неколку пати најави дека има намера кариерата да ја заврши во Џенова, а тоа би можело да се случи на крајот од тековната сезона.
Ди Марцио информира дека „неро-аѕурите“ сакаат да додадат уште еден напаѓач во своите редови непосредно пред крајот на зимскиот преоден рок.
#Calciomercato, #Inter su #Pandev: si lavora per il ritorno in nerazzurro dopo 9 annihttps://t.co/XftlKHkZ8N
— Gianluca Di Marzio (@DiMarzio) January 30, 2020
Веќе имаат неколку фантастични фудбалери кои можат многу да влијаат во борбата сезонава за Скудетото против Јувентус како Лукаку, Санчез, Мартинез, Барела, како и најновото зимско засилување Кристијан Ериксен.
Во својата професионална кариера нашиот играч ги имаше најголемите успеси токму со Интер со по една титула во Серија А, Лигата на шампионите, Суперкупот на Италија и Светското клупско првенство, и два трофеи од националниот куп.
Од 2014 година ги брани боите на Џенова и досега неговиот учинок за овој клуб е 110 одиграни натпревари и 17 голови.
„Гранде Пандев“ воедно има голема желба со македонската А репрезентација годинава и воедно кариерата да ја круниса со историско учество на Европското првенство.