Ди Маио: Италија го поддржува евроатлантскиот пат на Албанија и Македонија
Италијанскиот министер за надворешни работи, Луиџи Ди Маио, денеска беше во посета на Албанија, по силниот земјотрес што ја погоди земјата на 26 ноември.
Во својот говор, Ди Маио, рече дека Италија го подржува процесот на европска интеграција на Албанија и на Македонија. Според него, Италија инсистира да има позитивна одлука за почеток на преговорите за двете земји.
– Италија инсистира на потребата за позитивна одлука за двете земји и да се закаже датум за повикување на првата меѓувладина конференција, исто така и да се додели мандат на Комисијата да ја подготви рамката за преговори. Во овој дух му истакнав на Рама дека нашата желба е сите политички актери во земјата да се ангажираат за воспоставување на политичка клима која не би го попречил европскиот пат на Албанија – истакна Ди Маио.
Тој даде дека билатералните односи меѓу двете земји се одлични.
Од друга страна премиерот на Албанија, Еди Рама, се заблагодари за посетата во овие тешки мигови за земјата.
– Италија била и ќе остане прв наш партнер во економските односи, и таа земја никогаш не се штедеше во напорите за трансформација на Албанија – истакна Рама.