Џулија Робертс го покажа фустанот што требаше да го носи на Мет галата и прослави со чаша шампањ во тоалетот! (ФОТО)
Иако требаше да биде одржана на 4 мај, оваа година елитната Мет гала 2020 е одложена на неодредено време.
Поради пандемијата од коронавирусот, гала забавата нема да се одржи, посебно бидејќи во Њујорк, местото каде традиционално се случува настанот секоја година, е едно од најпогодените во САД.
Инаку, темата на забавата веќе долго време беше позната, а станува збор за женската мода во последните 150 години. Инспирацијата потекнала од писателката Вирџинија Вулф и филозофот Анри Бергсон.
Една од дамите кои долго врме го планираа своето доаѓање на Мет галата е и славната актерка Џулија Робертс. Таа се сликала во својата бања држејќи чаша шампањ во раката, со поглед кон улиците во Њујорк, токму во црно-белата тоалета со која планирала да дојде.
„Еве ме мене, но не идам на бал вечерва“, напишала актерката покрај сликата.
Некои од колешките веднаш ја коментираа нејзината фотографија, а Рита Вилсон, сопругата на Том Хенкс откри дека нејзината комбинација за балот се состои од „прекрасни пижами и папучи со туфни“.