Џошуа за реваншот со Руис ќе инкасира неверојатни 85 милиони долари – Слободен печат
ОстанатoСпорт

Џошуа за реваншот со Руис ќе инкасира неверојатни 85 милиони долари

Бокс мечот кој ќе се одржи во Саудиска Арабија ќе биде четвртата „најбогата“ борба во историјата на овој спорт.

Ентони Џошуа и Енди Руиз во сабота (7 декември) ќе го имаат долгоочекуваниот реванш во тешка категорија, а борбата ќе биде четврта „најбогата“ во историјата на боксот.

Поранешниот светски шампион во тешка категорија, Ентони Џошуа за борбата ќе инкасира неверојатни 85 милиони долари, со што ќе стане најдоброплатениот британски боксер во историјата. Руиз кој во првата борба го нокаутира Џошуа во седмата рунда, ќе заработи 13 милиони долари.

– Иако станува збор за голема сума на пари, кога ќе се одбијат парите за данок и ќе се платат тренерите и спаринг партнерите, сумата не изгледа толку голема. По секоја борба остануваат 30-40 проценти од средствата – вели Џошуа.

Рекордите во најголема заработка ги држи Американецот Флојд Мејведер, тој доби 250 милиони долари за тоа што му одржа лекција по бокс на УФЦ ѕвездата, Конор Мекгрегор. Втората најголема исплата повторно е на Мејведер кој за победата над Ману Паквајо доби 180 милиони долари, додека поразениот филипински боксер си заработи дури 120 милиони долари.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close