Џорџ Клуни со нов филм на „Netflix“: Покрај приватните предизвици „Тhe Midnight Sky“ е неговото големо враќање
Иако во јавноста се проширија шпекулации дека двојката има сериозни проблеми во врската и повеќе не можат да се договорат за ништо, сепак никој не знае што точно се случува со Џорџ (59) и Амал (42).
„Џорџ долго време беше заробен во несреќен брак и сега се чувствува подготвен да започне ново поглавје во неговиот живот“, изјавил извор близок до двојката и додал дека овој пат веројатно ќе биде нивниот крај. Амал, и покрај проблемите, не сака да дојде до развод и дека се чувствува понижена поради неговата желба да го прекине бракот.
Ако го тргнеме настрана нивниот приватен живот, ќе видиме дека тие се целосно посветени на своите професионални ангажмани.
„Netflix“ го објави трејлерот за филмот „The Midnight Sky“ – адаптација на романот на Лили Брукс-Далтон „Good Morning, Midnight“. Пост апокалиптична приказна што го следи Августин, осамен научник на Арктикот (Клуни), додека тој се натпреварува со времето да запре група астронаути да се вратат дома во услови на мистериозна глобална катастрофа.
Покрај улогата на Августин, Клуни е и режисер на филмот. Покрај Клуни, во филмот играат и Дејвид Ојелово, Кајл Чендлер, Демијан Бичир и Тифани Бун.
Во интервју за „Vanity Fair“, Клуни го опиша филмот како нешто помеѓу филмот „Gravity“ и „The Revenant“.
Инаку, Клуни беше еден од најплатените актери во светот за 2018 година, иако претходната година немаше снимено ниту еден филм.
„The Midnight Sky“ треба да биде достапен на „Netflix“ од 23 декември.