ВИДЕО: Џорџ Клуни призна дека сам ја потстрижува својата коса веќе 25 години – Но кога откри со што, започнаа шегите на негова сметка
Еден од омилените холивудски актери Џорџ Клуни (59) откри дека сам си ја потстрижува косата веќе 25 години и дека употребува тример од 80-тите години од минатиот век, кој беше познат како „Flowbee“.
Имено, Клуни откри дека повеќе години не користи ножички за потстрижување на косата, ниту пак оди на фризер.
За време на викендот 59-годишниот актер се појави во емисијата „CBS Sunday Morning”, каде откри дека е сам свој бербер долги години.
„Се потстрижувам сам веќе 25 години. Мојата коса е многу силна и лесна за потстрижување, па немам каде многу да погрешам“, започна тој.
Клуни откри дека користи „систем за потстришување со вшмукување“ кој беше многу популарен во 80-те години од минатиот век, а тој тврди дека сè уште е многу задоволен од оваа направа.
Actor/director George Clooney tells @thattracysmith that he's been cutting his own hair for years – by using the Flowbee haircutting machine https://t.co/SWYT8pFC8h pic.twitter.com/bKepm5LQCM
— CBS Sunday Morning ? (@CBSSunday) November 29, 2020
„Пред многу години купив апаратче кое се вика „Flowbee“. Има во себе вшмукувач и тример. И се уште го имам. За средување на мојата фризура ми се потребни буквално 2 минути“, заклучи тој.
Клуни се пошегува дека нема да го тестира „FLowbee“ на својата сопруга Амал и додаде дека таа сепак оди на фризер.
Неговата изјава дека сам се потстрижува поттикна многу корисници на социјалните мрежи да се шегуваат на негова сметка, па така на Интернет започнаа да кружат урнебесни коментари за !„комплицираната“ машина од минатото.
„Слушај ти „обичен човеку“, ако го користиш „Flowbee“ тоа не значи дека ќе изгледаш како Џорџ Клуни“, гласеше еден од коментарите на Твитер.
Преземено од Еспресо.мк