Џонсон по победата на изборите: Ќе ја испочитуваме демократската волја на британскиот народ

Фото: EPA-EFE/VICKIE FLORES

Британскиот премиер Борис Џонсон, по убделивата победа на неговата Конзервативна партија на вчерашните избори, порача дека неговите конзервативци „освоија силен нов мандат за Брегзит да се спроведе до самиот крај”.

– Сметам дека ќе се покаже дека ова беа историски избори кои ни дадоа шанса, во новата влада, да ја испочитуваме демократската волја на британскиот народ – истакна Џонсон.

Тој наведе дека тоа е и шанса Велика Британија да се промени на подобро и да го ослободи потенцијалот на сите луѓе во земјата.

– Пред се, сакам да им се заблагодарам на луѓето што излегоа на декемвриските избори кои не сакавме да ги распишеме, но кои, сметам, станаа историски – изјави Џонсон, пренесен од британските медиуми.

Според последните податоци на Би-Би-Си, Конзервативната партија освои 364 мандати во 650-члениот парламент, додека Лабуристичката партија 203.

Резултатите од изборите се уште се бројат, а „Политико” оценува дека овој резултат претставува голема лична победа на Џонсон и значи дека Велика Британија сигурно ќе ја напушти ЕУ, на крајот на јануари.

Ова е најголема победа на ториевците во последните 30 години, а подобар резултат освиои само „железната лејди” Маргарет Тачер, на изборите во 1983 година кога освои 397 мандати, пишува „Гардијан”.

Истовремено, лабуристите го постигнаа најлошиот резултат од 1935 година, а нивниот лидер Џереми Корбин се соочува со барања за оставка.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот