Џон Кери во посета на Брисел утре
Специјалниот претставник на американската администрација задолжен за климатските прашања денеска ја започнува својата мини тура на Европа, а утре ќе учествува на состанокот на еврокомесарите во Брисел.
Џон Кери денеска е во Лондон, а утре попладне треба да пристигне во седиштето на Европската комисија каде ќе даде изјава за медиумите и потоа со потпретседателот на Комисијата, Франс Тимерманс, негов домаќин, ќе земат учество во неделниот состанокот на европските комесари.
Целта на посетата на Кери е да разговара со европските партнери и сојузници за глобалните климатски амбиции на САД, откако администрацијата на Џо Бајден одлучи да се приклучи повторно кон Парискиот договор за климата.
На 22 и 23 април ќе се одржи и 26-та конференција на Обединетите нации посветена на климатските прашања, или КОП 26.