Џим Кери со својот одговор ја доведе новинарката во непријатна ситуација! (ВИДЕО)
Актерот Џим Кери се најде на удар на медиумите после своето интервју за магазинот „Heat“ каде разговараше за својот нов филм „Sonic the Hedgehog“. Всушност, актерот со својот одговор на новинарката Шарлот Лонг ѝ рече дека таа е единственото нешто што останало на неговата листа со желби, па на тој начин ја доведе во нпријатна ситуација, а целото видео набрзо се прошири по сите светски медиуми.
„Соник има листа со желби, па се прашував, откако направивте сешто во вашата кариера, дали во вашиот живот се уште има некоја неостварена желба?“, праша Лонг.
„Само ти. Тоа е тоа, сега сè исполнив“, изјави Кери и направи непријатна ситуација, а потоа додаде дека мора тоа да го прифати. Лонг целото видео од интервјуто го објави на својот твитер-профил и разлути бројни обожаватели и следбеници на славниот актер.
„Бев голем обожавател на Џим, но денес ја изгубив почитта кон него. Тоа е навистина неприфатливо. Се надевам дека ќе се извини“, се само дел од коментарите.
Кери се уште се нема огласено околу скандалот со новинарката. Американско-канадскиот актер неодамна изјави дека не сака да се фотографира со своите обожаватели. Наместо тоа, подраго би му било да позборува со нив.
