Џиџи Хадид и Зејн Малик станаа родители: Нашето девојче веќе го смени нашиот свет
Пејачот Зејн Малик и американскиот модел Џиџи Хадид станаа родители на здраво и убаво девојче.
Зејн (27) на социјалните мрежи сподели црно-бела фотографија од малечкото раче на девојчето кое го држи неговиот прст.
„Љубовта што ја чувствувам кон овој мал човек е неописива“, напиша Зејн.
„Нашето девојче е овде, здраво и убаво. Ако треба да опишам како се чувствувам сега, тоа би било невозможна задача“, додаде Зејн.
Џиџи Хадид (25) потврди дека е бремена во април, кога се појави на „Tonight Show Starrin Jimmy Fallon“. Таа во шоуто на Џими изјави дека таа и Малик се „среќни и благодарни за целата поддршка“. Џиџи и Зејн се заедно од 2015 година.
„Нашето девојче се роди викендов и веќе го смени нашиот свет. Многу љубов.“, напиша Џиџи.
На почетокот на оваа недела, таткото на Хадид, Мохамед изјави дека „трпеливо чека“ да пристигне бебето. Дој додаде и дека „дедо е тука и чека да те запознае“, не криејќи ја возбудата.
Пријателите, семејството и обожавателите на двојката им испраќаат пораки и ја споделуваат радосната вест за новороденчето.