Џенифер Лопез го прослави објавувањето на својата нова песна со виртуелна забава
Џенифер Лопез не дозволи пандемијата на коронавирусот да ја спречи да го прослави објавувањето на нејзината најнова песна со своите обожаватели.
Поп-ѕвездата во придружба со нејзините деца Еме и Макс, свршеникот Алекс Родригез и неговите ќерки Наташа и Ела, се вклучија во живо за да ја прослават светската премиера на нејзината песна „In The Morning“ која официјално се објави за време на Денот на благодарноста.
„Придружете ни се на виртуелна забава за Денот на благодарноста на Инстаграм во живо… Ние ја славиме светската премиера на #InTheMorning“, објави Лопез на социјалните мрежи, повикувајќи ги своите обожаватели на забава на која ќе можат да ги вклучат и своите семејства.
Како и сите луѓе во светот погоден од пандемијата на коронавирусот, и Лопез и нејзиното семејство поголемиот дел од своето време го поминуваат во карантин забавувајќи се социјалните мрежи.