Џенифер Анистон се смирила со татко ѝ: Со години не зборуваа, а короната повторно ги спои
Странските медиуми пишуваат дека Џенифер Анистон се смирила со нејзиниот татко Џон и го обновила контактот после многу години.
За нивното смирување и обновување на семејниот однос заслужна е пандемијата на коронавирусот, пишува Дејли мејл.
Откако Џон бил хоспитализиран поради здравствените проблеми што ги имал со абдоменот, следела пандемијата на коронавирусот, а Џенифер тогаш се загрижила за својот татко.
„Како да сфати дека животот е краток и дека нејзиниот однос со татко ѝ мора да биде добар, бидејќи никогаш не се знае што ќе ги раздели засекогаш“, рекол извор за Дејли мејл.
Сега Џенифер се слуша со нејзиниот татко секојдневно и се распрашуава за неговото здравје.
Џенифер била во лоши односи со татко ѝ уште од нејзината деветта година кога тој ги напуштил нејзе и нјејзината мајка, а глумицата тоа не можела да му го прости. Откако првично воопшто немале контакт, подоцна почнале повремено да се гледаат, а сега глумицата решила да ги интензивираат контактите.