Џенифер Анистон донираше еден милион придржувајќи му се на движењето „Black Lives Matter“
Американската актерка Џенифер Анистон (51) донираше 1 милион долари на хуманитарната организација „Color of Change“ во знак на солидарност придружувајќи му се на движењето „Black Lives Matter“, пишуваат британските медиуми.
Ѕвездата на телевизиската серија „Friends“ со донацијата ја искажа својата поддршка кон движењето кое започна после смрта на Џорџ Флојд.
Флојд почина при полициско приведување, бидејќи полицаец скоро 9 минути му го притискаше вратот со колено, додека тој повторува дека не може да дише.
„Оваа недела беше потресна поради многу причини. Мора да признаеме дека расизмот и бруталноста во оваа земја траат долго време, а тоа никогаш не е во ред“, напиша Анистон на друштвените мрежи.
„Како сојузници кои сакаме еднаквост и мир, нашата одговорност е да го повишиме гласот, да бараме правда, да се образуваме во врска со тоа и да шириме љубов. Уште колку време сме спремни да поминуваме преку тоа? Колку време?“, додала таа.