Џенаро Гатузо (41) пристигна во Неапол да го води својот прв тренинг во клубот во чии редови ира македонскиот репрезентативец Елиф Елмас. Се очекува наскоро Гатузо да биде промовиран како нов тренер на „наполитанците“ кои во вторникот успеаја да обезбедат настап во осминафиналето од Лигата на шампионите.

Се очекува да потпише шестмесечен договор со Неаполитанците со опција да се обновува за една сезона – во случај на влез во Лигата на шампионите, пренесува „Скај спорт Италија”.

До крајот на тековната сезона, да заработи 1,5 милиони евра, а во следната – 3 милиони. Тој претходно одби понуди од Фиорентина, Џенова и Сампдорија.

Gattuso looks like a mobster lol.
Good fit for Napoli pic.twitter.com/8eBqXuNofC

— Dada ⚽️ (@Wdandada2) December 11, 2019

Гатузо ја започна својата тренерска кариера како асистент во швајцарската екипа на Сион, па ги водеше Палермо ОФИ Крит, Пиза, младинскиот тим на Милан и Милан.

Повеќе се прослави како играч на „росонерите“ во чиј дрес има по два трофеи во Серија А, Суперкупот на Италија, Лигата на шампионите и УЕФА Суперкупот, а по една титула во Купот на Италија и ФИФА Светското клупско првенство.

Од друга страна, се најавува дека Анчелоти ќе се врати во Премиер лигата и ќе седне на клупата на Арсенал.

ULTIM’ORA – Gennaro #Gattuso è arrivato al centro sportivo del #Napoli pic.twitter.com/3K2K4M0Og4

— Simone Guadagno (@SimoneGuadagnoo) December 11, 2019