Кошаркарот на Лос Анџелес Лејкерс вели дека откажувањето на сезоната во НБА лига би било навистина тешко за него, и дека би сакал таа да продолжи на кој било начин.

Леброн Џејмс (34), еден од најдобрите кошаркари во светот, не е сигурен дека би успеал да го поднесе откажувањето.

– Верувам дека ќе бидат дозволени спортски активности кога ќе заврши пандемијата со коронавирусот. Навистина би сакал сезоната да продолжи. Верувам дека сме во добра позиција да се бориме за шампионскиот прстен и да ги направиме горди нашите навивачи. Доколку постои каква било шанса да се игра, би требало да се водат разговори околу тоа – рече Џејмс во видео конференција со новинарите.

Воедно искусниот играч додава дека е вратена добрата атмосфера кај фановите и дека се што е постигнато досега е одлично. „Кралот“ дефинитивно е против откажување на сезоната, односно посакува неговата славна кариера да ја збогати со уште еден шампионски прстен.

НБА лигата е во прекин од 11 март поради пандемијата на коронавирусот. Лејкерси во тој момент беа лидери во Западната конференција со учинок од 49 победи и 14 порази. Последен пат „езерџиите“ стигнаа до титулата во 2010 година.