Најдобриот играч на Лејкерси вели дека раководството на најсилната лига на светот ги презема сите неопходни мерки за успешно завршување на сезоната во Орландо.

– Сигурен сум дека НБА и Адам Силвер ги презедоа сите мерки на претпазливост за да се осигураме дека сме во максимална безбедност. Се разбира, може да се појават проблеми, но ние ќе ја преминеме целта, дури и доколку нешто се случи – рече кошаркарот на составот од Лос Анџелес, Џејмс.

Во Орландо на крајот на месецот 22 екипи по скратен систем ќе ја доиграат сезоната 2019/20 прекината во март поради пандемијата на коронавирус.

„Езерџиите“ се едни од најголемите фаворити за титулата, до прекинот на сезоната се наоѓаа на првото место во Западната конференција.

Воедно најпопуларниот кошаркар на светот е многу активен кога станува збор за социјалните проблеми во САД, а за американските медиуми изјави дека нема да носи социјална порака на својот дрес, туку ќе си остане неговото презиме.

– Одлучив на мојот грб да пишува само моето презиме. Ја почитувам листата на пораки која ја одобри НБА и го поддржува секого кој сака да ја носи пораката на својот дрес. Тоа не е нешто што е важен дел од мојата мисија, мојата цел – се зборовите на „кралот“.