-8 C
Скопје

Џафери: Постигнавме многу во менување на перцепцијата на граѓаните за законодавниот дом

Работевме и постигнавме многу во насока на менување на перцепцијата на граѓаните за законодавниот дом. Потврда за тоа е и последниот извештај на Европската комисија, во делот за Собрание каде се нотира дека е постигнат напредок во спроведувањето на Стратешкиот план 2018 -2022, истакна претседателот на Собранието Талат Џафери на е-конференцијата за Отворен парламент, Акциски план за Партнерство за отворена власт 2012-2023.

Во своето обраќање, Џафери нагласи дека и во актуелната ситуација со ковид -19, Собранието како институција се обидува да биде транспарентно и работи на нова веб страница за да се овозможи подобар проток на информации до граѓаните.

– За жал, реалноста која ја живее денес цел свет, е наметнатата реалност од КОВИД-19 и глобалната закана по здравствените и економските столбови на секоја држава, без исклучоци, и тоа претставува огромен предизвик за задржување на овој дискурс со ориентирање кон виртуелно одржување на активностите а сепак квалитетна и ефикасна примена на уставната надлежност на законодавната власт. Заедно работиме на нова собраниска веб страница, ново собраниско студио, со цел да се овозможи подобар проток на информации за граѓаните, следствено и нивно поголемо учество во собраниските активности, во законодавниот процес, нагласи Џафери.

Прочитајте и...  Корекција на цените на нафтените деривати: Бензините поскапи за денар, дизелот за 1,5 денари

Додаде дека за Собранието од исклучителна важност се и измените во Законот за Собрание со кои ќе се зајакне независноста на човечките ресурси.

– Во таа насока е и изготвената функционална анализа, со цел ефективно и максимално добро искористување на постојните капацитети, со цел подобрување на функционалноста на институцијата. Со сите свои активности во насока на достапност за граѓаните преку најразлични модули и форми за нивно вклучување во работата на Собранието, успеавме да станеме поблиски, поотворени, подостапни и транспарентни во нашето работење, рече Џафери.

Потенцира дека остануваат посветени на Партнерството за отворена власт и оти во таа насока го започнуваат процесот за подготовка на новиот план 2021-2023.

Денешната виртуелна конференција за Отворен Парламент, Акциски план за Партнерство за отворена власт 2021-2023, се организира во рамки на Глобалната недела на отвореност на законодавството организирана од Е-мрежата за Отворен парламент. 

Прочитајте и...  Лекарската комора ќе пресече дали имало лекарска грешка во случајот со 41 годишната пациентка во Штип

Поврзани вести

На денешен ден – 1 декември

Слободен печат

Денеска се празнува светиот маченик, беше фрлен во затвор, без храна и вода помина 18 денови

Слободен печат

Иако доцна, сепак МЗ ја објави статистиката: Регистрирани 336 нови случаи, починаа 32 лица

Слободен печат

Изостана денешната ковид- статистика

Слободен печат

ВИДЕО | Трамп: Не се борам за себе, туку за 74 милиони луѓе кои гласаа за мене

Слободен печат

Опозицијата ја бара дневната статистика на заболени од ковид-19

Слободен печат

Остави Коментар