Џафери: Обезбедената финансиска независност на Собранието добиена со законските измени е од исклучителна важност

Тој истакна дека предлогот за измени и дополнувања на Законот за Собрание е усвоен со огромно мнозинство и со поддршка од сите пратенички групи.

Законските измени обезбедуваат финансиска независност и самостојност на собраниската администрација и тие се од исклучително значење за службите, порача претседателот на Собранието Талат Џафери, на прес-конференцијата, што се одржа откако во законодавниот дом беа усвоени измените и дополнувањата на Законот за собрание.

Тој истакна дека предлогот за измени и дополнувања на Законот за Собрание е усвоен со огромно мнозинство и со поддршка од сите пратенички групи.

– Мора да нагласиме дека досега иако формално независно, Собранието како институција беше целосно зависно од Владата, во однос на позицијата на службата, нејзиното екипирање, унапредување и вработување. Во тој контекст измените кои што ги изгласавме денеска се од исклучително значење за службите. Да не заборавиме дека на плеќите на собраниските служби поминуваат најважните политички процеси во државата, нагласи Џафери.

Прочитајте и...  Три лица починаа од коронавирусот во Србија, 579 новозаразени

Претседателот на Собранието посочи дека едногласен бил ставот на сите пратенички групи дека Собранието мора да обезбеди услови за собраниската служба, коишто соодветствуваат со одговорноста што таа служба ја има.

На денешната 130. седница на Собранието со 82 гласови „за”, ги усвои измените и дополнувањата на Законот за Собрание.

Законското решение предвидува не само нови вработувања во собраниските служби на годишно ниво, туку и унапредувања на некои од постојните со цел нивна поголема ефикасност и стручност, беше речено на седницата.  Според измените, ќе се формира собраниски совет како стручно помошно тело на генералниот секретар на Собранието со единствена функција – да прави прецизна анализа за функционалноста на собраниските служби, а Планот за годишно вработување ќе го предлага генералниот секретар во согласност со буџетскиот совет на Собранието.

Прочитајте и...  Спасовски: Само со подобри услови за работа полицијата ќе може да испорачува врвна безбедност

Поврзани вести

Завршува јавниот повик за субвенции за инвертери, досега поднесени 5000 барања

Слободен печат

Стопанските комори на Западен Балкан со апел до владите за воспоставување „зелени линии” за брз проток на работници

Слободен печат

Филипче: Амди Бајрам имаше комплексна здравствена состојба

Слободен печат

Филипче и одговори на опозицијата: Нема да поднесам оставка

Слободен печат

Ќамил Рушити е назначен за координатор на кичевското Муфтиство

Слободен печат

Дачиќ: Немам желба за извршна власт

Слободен печат

Остави Коментар