Џафери ќе чека делегација, нема да сведочи за 27 април

Фото: Драган Митрески / Слободен печат

Претседателот на Собранието, Талат Џафери денеска не се појави во својство на сведок на судењето за организаторите на настаните од 27 април. Спикерот Џафери го известил судот дека поради собраниски обврски, одонсно прием на делегација, би можел на рочиштето да пристигне околу 12 часот. Сепак, од судот му вратиле да се појави на некое од наредните судења, бидејќи и онака за денеска имало доста сведоци.

Во судницата се присутни поранешните пратеници Стојан Миланов, Борис Змејковски, Нада Ципушева, Драган Цуклев и Павлинче Честојнова. Сведоците се повикани на барање на одбраната, а обвинети за терористичко загрозување на уставниот поредок се екс спикерот Трајко Вељаноски, поранешните министри Миле Јанакиески и Спиро Ристовски, како и поранешниот директор на УБК, Владимир Атанасовски.

Обвинението го застапува заменикот на Вилма Русковска, Наум Пановски, а главен судија за делото за организација на настаните од крвавиот четврток е Илија Трпков.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот