Претседателот на македонското собраниет, Талат Џафери, упати честитка до новоизбраниот претседател на косовоското собрание, Глаук Коњуфца.

Во честитката се вели дека Македонија и Косово и понатаму ќе ги негуваат билатералните односи.

-Почитуван Коњуфца, дозволете ми во мое име и во името на собранието на Република Северна Македонија, да ви честитам за вашиот избор за нов претседател на Собранието на Република Косово, со желба за што поуспешно вршење на должноста. Република Северна Македонија и Република Косово негуваат одлични билатерални односи кои се карактеризираат со блискост како и со меѓусебна безрезервна подршка и јас се надевам дека и во текот на вашиот мандат ќе соработуваме на отворен и пријателски начин- се вели во честитката на Џафери.

Џафери додал дека очекува продлабочување на соработката во сите нивоа и во областите кои се со заеднички интерес.