Џафери дел од делегацијата на носачот на авиони „Хари С. Труман“
Претседателот на Собранието на Република Северна Македонија Талат Џафери, беше дел од делегацијата составена од премиерот Зоран Заев и министерката за одбрана, Радмила Шеќеринска, што ја имаше честа да слета на носачот на авиони „Хари С. Труман“, каде што имаа средба со адмирал Џејмс Фого, командант на американските поморски сили за Европа и Африка и командант на Здружените сојузнички сили на НАТО во Неапол.
-Ова беше уникатна можност да се видат одблиску капацитетите на воздушно поморските сили на САД и НАТО Сојузот, капацитети во чиј состав набрзо ќе бидат дел и капацитетите на нашата Армија. Чувство на конкретна припадност во ова големо семејство од сега веќе 30 члена, чувство на гордост за изодениот пат кој што вроди со плодовите на безбедност и сигурност за нашата земја и нашите граѓани. Ние сме НАТО- стои во соопштението од македонскиот Парламент.