Девојче подметнало четири пожари
Дванаесет годишно девојче од Калифорнија е уапсено под сомнение дека подметнало четири пожари во еден ден. Нејзиниот идентитет не е откриен затоа што е малолетничка.
Таа, наводно, ги подметнала пожарите помеѓу 10 и 19 часот. Првиот пожар бил мал и го изгаснале соседите. Четири часа подоцна, недалеку од првата локација, пламнал вториот пожар. Додека пожарникарите го гаснеле вториот, добиле аларм за запалени суви лисја на првичната локација.
Вечерта бил пријавен пожар во близина на улицата Цедар, каде била запален градежен плац, соопшти полицијата.
– Благодарение на брзината на реакција и пријавата на граѓаните, пожарите можеа брзо да се изгаснат и подметнувачот на пожарите да биде откриен – соопшти полицијата.