Девојче од Сараево испратило писмо до британската кралица – ЕВЕ каков одговор добила (ФОТО)
Деветгодишно девојче од Сараево, Асја Исовиќ, пратило разгледница и песна до кралицата на Велика Британија, пренесува Н1.
Девојчето било изненадено откако и стигнал одговор од Лондон.
„Пристигна одговор од Нејзиното Величество. Не можам да верувам дека тоа се случи. Ова ќе биде една од најубавите работи во мојот живот“, напишала Асја кратко во коментар на фотографијата на која го држи писмото од кралицата.
#ICYMI. Asya, a 9-year-old artist ? in Sarajevo, wrote to The Queen ?? with some of her brilliant art, a card and poem. The Queen’s Lady-In-Waiting wrote back to pass on her thanks. https://t.co/OPTXiIcWas pic.twitter.com/VGM3xPWuRe
— Matt Field (@MattFieldUK) September 16, 2019
Писмото, секако, не го напишала кралицата лично, туку нејзината дворска дама.
„Кралицата побара од мене да ти се заблагодарам на рачно изработената разгледница, песната и прекрасниот цртеж, кои ги испрати на Нејзиното Величество. Иако не е во можност лично да ти одговори, Кралицата е допрена од твојата грижа и исклучително го цени времето и трудот кои си ги издвоила за да направиш разгледница и поклони“, стои во одговорот кој ја воодушевил малечката Асја.