Девојче ја нападнало мајка си во Аеродром, ја расекло со нож
Малолетно девојче, чијашто возраст полицијата не ја соопштува, вчера попладне со нож ја нападнало сопствената мајка и ја повредило, велат од МВР.
„На 28.11.2022 во 19.00 часот во Полициската станица Аеродром било пријавено дека околу 18.30 часот во дом на подрачјето на Аеродром, по претходна расправија, малолетничка со остар предмет ја нападнала својата 38-годишна мајка и ѝ нанела повреди“, се вели во полицискиот билтен.
Полицајци и претставници на Меѓуопштинскиот центар за социјални работи, во координација со Јавен обвинител за малолетници, излегле на местото и по преземени мерки, малолетничката и нејзината мајка биле сместени во здравствени установи за понатамошно лекување, додаваат од МВР.