Девет голови во Бирмингем, Алиоски со две асистенции (ВИДЕО)
Домаќините можеа многу лесно да останат и непоразени во дуелот со Лидс, но нивни трагичар беше Хардинг кој си постигна автогол.
Вистинска голеада на натпреварот од 25. коло во Чемпионшип, на стадионот „Ст. Ендрју“ стадионот каде што Лидс триумфираше со неверојатни 4:5 против домаќинот Бирмингем.
Големи и важни три бода за играчите на Биелса на патот кон Премиер лигата, освен тоа го искористија и поразот на Вест Бромвич од Мидлзбро (0:2) и сега се повторно на врвот во генералниот пласман.
Езгјан Алиоски го одигра целиот натпревар во дресот на Лидс, а во триумфот придонесе со две асистенции.
Прво во 21. минута убаво во казнетиот простор на домаќините го пронајде Херисон, а овој од „прва“ ја затресе мрежата на Труман за зголемување на позитивата од 0:2.
Get in JACK Harrison goal Leeds vs Birmingham 2-0 #LUFC pic.twitter.com/THddGXFLBp
— zwodde (@zwoddeytb) December 29, 2019
Во 69. минута македонскиот репрезентативец му асистираше и на Ејлинд кој испрати еден прецизен удар за нова предност од 2:3.
Luke Ayling What a goal Leeds vs birmingham 3-2 #LUFC pic.twitter.com/GymKJk84bT
— zwodde (@zwoddeytb) December 29, 2019
Домаќините можеа и да останат непоразени на овој дуел, откако во 91. минута израмнија преку Јуткиевиц, но трагичар им беше Хардинг (95 мин.) кој си постигна автогол.
Својот нареден меч Лидс ќе го има на првиот ден од 2020 година, ќе гостува кај екипата на Вест Бромвич, како дерби на колото.