Дете со албанско потекло спасено од сириски камп
Алвин Бериша, 11 годишно дете по потекло од Албанија било спасено денеска од сирискиот капм Ал Хол.
Малиот Алвин е роден во Леко, Италија, а неговите родители се од Албанија. Но, кога тој имал само 6 години неговата мајка го напуштила семејството, оставајќи зад себе две деца, а го земала Алвин и си заминале во сирискиот камп Ал Хол во близина на Турција.
Таа пред неколку месеци загинала, а Алвин останал сам во кампот. Неговиот татко, Африм Бериша кој живее во Италија, го бара веќе од 2014 година неговиот син, а само пред неколку недели тој бил пронајден од страна новинари од италијански медиуми во камп, кои со објавување на сторија за Алвин ја алармирале и албанската јавност.
Според Визион Плус, повикувајќи се на италијанскиот медиум „La Republica“, 11 годишникот е ослободен од кампот благодарение на хуманитарните организации “Црвен Крст“ и “Црвена Полумесечина“. Станува збор за голема меѓународна операција, велат италијанските медиуми, во кои беа вклучени и италијанските и албанските власти.
Изутринава Алвин бил испратен на граница меѓу Либан и Сирија, а се очекува да пристигне во Бејрут од каде со авион ќе се врати во Италија.
Таткото Африм Бериша во изјава за Балканвеб раскажа дека неговиот син бил ранет пред 6-7 месеци и сега е во стабилна состојба и го чекаат да се врати во Рим.
Топ Чанел пак пренесува и фотографии од Алвин, кои ги објави Илир Кула, поранешен новинар и советник на неколку албански претседатели и кој зад себе има историја со ослободување на лица земени како заложници од терористите во Ирак.