Деспотовски: Дел од домашната економија веќе размислува за заздравување и има конкретни инвестициски планови (ВИДЕО)

На компаниите им е потребна поддршка од државата за почеток на фаза на економско заздравување. Ова е и глобален тренд. Ние како држава имаме обврска да зафатиме дел од тие средства кои што стојат на располагање. Да дадеме поддршка нашите компании да се вклучат на тој пазар, изјави за „Утрински брифинг“ на „Слободна ТВ“ Јован Деспотовски, директор на Фондот за иновации и технолошки развој.

-Она што е различно сега е веќе кај фирмите има огромен интерес да развијат инвестициски планови кои треба да почнат со работа, што е многу важно за економијата. Резултатите од овој прв циклус покажуваат дека дел од домашната економија веќе размислува за заздравување и има конкретни инвестициски планови. За неполни 45 дена имавме над 2.100 подигнати апликациски пакети што е индикатор дека домашната економија овој период на преживување го трансформира во период на размислување како да се развива. Тоа што веќе во првиот циклус ќе бидат искористени речиси 90% од средствата, значи дека во секој следен циклус Фондот во соработка со Владата ќе работи на обезбедување дополнителен износ на средства, нагласи Деспотовски.

Тој посочи дека 88 % од апликантите продолжуваат во следните фази на евалуација и оценување, додека 12% отпаднале како неподобни.

– Посебно охрабрува фактот што 76% од нив за првпат аплицираат во Фондот, 16% аплицирале претходно, но не добиле средства па повторно се обидуваат, а само 8% користат или користеле средства. Компаниите ќе инвестираат во 15 различни области, меѓу кои продажба трговија и дистрибуција, здравство, екологија, земјоделие, а за првпат не доминира ИТ секторот, рече Деспотовски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот